Aham Reboot: సుమంత్‌ హీరోగా ప్రశాంత్‌ సాగర్ అట్లూరి రూపొందించిన తాజా సైకలాజికల్‌ థ్రిల్లర్‌ ‘అహం రీబూట్‌’. రఘువీర్‌ గోరిపర్తి, సృజన్‌ యరబోలు సంయుక్తంగా నిర్మించిన ఈ సినిమా ఎప్పుడో చిత్రీకరణ పూర్తిచేసుకున్నప్పటికీ… అనివార్య కారణాలవలన ఈ సినిమాని థియేటర్‌లో విడుదల చేయలేకపోయారు. దీనితో ఇప్పుడు ఈ సినిమాను నేరుగా ఓటీటీలో విడుదల చేస్తున్నారు. ప్రముఖ తెలుగు ఓటీటీ వేదిక ఆహాలో జూన్‌ 30వ తేదీ నుంచి స్ట్రీమింగ్ కానుంది. ఇదే విషయాన్ని తెలియజేస్తూ ఆహా సంస్థ ట్రైలర్ విడుదల చేసింది.
Aham Reboot OTT Updates
ఇక ట్రైలర్ విషయానికి వస్తే…. స్టూడియోలో ఉన్న ఆర్జే నిలయ్‌(సుమంత్‌)కు ఓ అమ్మాయి నుంచి సాయం కావాలంటూ ఫోన్‌ వస్తుంది. తాను కిడ్నాప్‌ అయ్యానని చెబుతుంది. మరి ఆ యువతిని ఎవరు కిడ్నాప్‌ చేశారు ? ఎందుకు చేశారు ? ఎలా బయటపడింది ? అందుకు ఆర్జే నిలయ్‌ ఏం చేశాడు ? ఈ విషయాలన్నీ తెలియాలంటే సినిమా చూడాల్సిందే.
ఈ సందర్భంగా దర్శకుడు సాగర్ మాట్లాడుతూ… సైకలాజికల్‌ థ్రిల్లర్‌గా ‘అహం రీబూట్‌’ తెరకెక్కించాము. ‘అనుకోని సంఘటనలు మనిషిలోని కొత్త కోణాల్ని, శక్తుల్ని బయటకు తెస్తాయి. అలాంటి అంశాలతో రూపొందిన చిత్రమిది. సుమంత్‌ నటన ప్రధాన ఆకర్షణగా నిలుస్తుంది అని అన్నారు.
Also Read : Tenant: మరో ఓటీటీలో ‘టెనెంట్‌’ సినిమా విడుదల !