Ka Movie : యంగ్ హీరో కిరణ్ అబ్బవరం నటించిన లేటెస్ట్ చిత్రం ‘క’. ఈ సినిమా బాక్సాఫీస్ వద్ద సెన్సేషన్ క్రియేట్ చేస్తోన్న విషయం తెలిసిందే. దీపావళి విన్నర్‌గా నిలిచిన ఈ సినిమాకు ఇప్పుడు మెగాస్టార్ చిరంజీవి అభినందనలు అందాయి. ‘క’ సినిమాను చూసిన మెగాస్టార్ చిరంజీవి(Chiranjeevi).. మూవీ టీమ్‌కు తన బ్లెస్సింగ్స్ ఇచ్చారు. ఈ సందర్భంగా మెగాస్టార్‌కు కృతజ్ఞతలు తెలిపారు ‘క(Ka Movie)’ సినిమా టీమ్. ‘క’ సినిమా చూసిన అనంతరం చిత్ర టీమ్‌ని మెగాస్టార్ చిరంజీవి ఇంటికి పిలిపించుకుని మరీ అభినందించారు. దీనికి సంబంధించిన ఫొటోలు సోషల్ మీడియాలో వైరల్ అవుతున్నాయి.
Ka Movie Got Appreciation..
ఇప్పుడనేకాదు.. ఇంతకు ముందు కూడా చాలా సినిమాలకు, ముఖ్యంగా చిన్న సినిమాలకు మెగాస్టార్ చిరంజీవి అభినందనలు అందించారు. కొన్ని సినిమాల ఓపెనింగ్స్‌కి, టీజర్- ట్రైలర్స్ రిలీజ్ చేస్తూ, ప్రీ రిలీజ్ వేడుకలకు హాజరవుతూ.. ఇలా ఏదో ఒక విధంగా చిరంజీవి తన సపోర్ట్‌ను అందిస్తూనే ఉన్నారు. ఇప్పుడు థియేటర్లలో ప్రేక్షకులను మెప్పిస్తూ.. కలెక్షన్ల సునామీ సృష్టిస్తోన్న ‘క’ సినిమా, మెగాస్టార్‌కు బాగా నచ్చడంతో వెంటనే టీమ్‌కు ఇలా అభినందనలు తెలిపారు. ఇక మెగాస్టార్‌ని కలిసిన ఆనందాన్ని హీరో కిరణ్ అబ్బవరం సోషల్ మీడియా వేదికగా తెలుపుతూ ఎగ్జయిట్ అయ్యారు. దాదాపు గంట సేపు బాస్‌తో ముచ్చట్లు.. ఎప్పటికీ మరిచిపోలేని అనుభవం అంటూ కిరణ్ అబ్బవరం తన ఆనందాన్ని పంచుకున్నారు.
‘క’సినిమాలో తన్వీరామ్, నయన్ సారిక హీరోయిన్లుగా నటించారు. దర్శకద్వయం సుజీత్, సందీప్ ఈ సినిమాను రూపొందించారు. ‘క’ సినిమాను శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్ టైన్‌మెంట్స్ బ్యానర్ పై చింతా గోపాలకృష్ణ రెడ్డి భారీ ప్రొడక్షన్ వ్యాల్యూస్‌తో నిర్మించారు. తెలుగులో ప్రొడ్యూసర్ వంశీ నందిపాటి రిలీజ్ చేశారు. ఆడియెన్స్ నుంచి సూపర్బ్ రెస్పాన్స్‌తో ‘క’ సినిమా దిగ్విజయంగా థియేటర్లలో రన్ అవుతోంది.
Also Read : Unstoppable 4-Bunny : అన్ స్టాపబుల్ స్టేజీపై సందడి చేసిన పుష్ప రాజ్