Prabhas : డైరెక్టర్ నాగ్ అశ్విన్ దర్శకత్వం వహించిన కల్కి 2898 ఏడీ సినిమాతో బ్లాక్ బస్టర్ హిట్ అందుకున్నారు ప్రభాస్. ఈ సినిమా తర్వాత మళ్లీ తన కొత్త ప్రాజెక్టులతో బిజీ అయ్యారు. కొన్ని నెలలుగా రాజాసాబ్ చిత్రీకరణలో పాల్గొంటున్నారు డార్లింగ్. డైరెక్టర్ మారుతీ తెరకెక్కిస్తోన్న ఈ సినిమాపై ఇప్పటికే మంచి హైప్ నెలకొంది. ఇందులో ముగ్గురు హీరోయిన్స్ నటిస్తున్నారు. ఇప్పటికే రాజాసాబ్ మూవీ గురించి హీరోయిన్ మాళవిక మోహనన్, నిధి అగర్వాల్ ఆసక్తికర విషయాలను పంచుకున్నారు. అలాగే ఇప్పటికే విడుదలైన టీజర్, గ్లింప్స్ ఆకట్టుకున్నాయి. ప్రస్తుతం ఈ చిత్రం ముగింపు దశలో ఉన్నట్లు తెలుస్తోంది. ఈ క్రమంలో తాజాగా ఈ సినిమాకు సంబంధించిన ఓ క్రేజీ న్యూస్ బయటకు వచ్చింది.
Hero Prabhas Movie With..
హారర్ కామెడీ నేపథ్యంలో వస్తున్న ఈ మూవీలో ఓ స్పెషల్ సాంగ్ ఉండనుందంట. అయితే ఈ పాట కోసం ఓ కోలీవుడ్ స్టార్ హీరోయిన్ ను రంగంలోకి దింపుతున్నారని కొన్ని రోజులుగా వార్తలు వినిపిస్తున్నాయి. తాజాగా ఆ హీరోయిన్ ఎవరనే విషయంపై క్లారిటీ వచ్చింది. ఆమె మరెవరో కాదు లేడీ సూపర్ స్టార్ నయనతార. రాజాసాబ్ సినిమాలో ప్రభాస్(Prabhas), నయనతార కాంబోలో ఓ స్పెషల్ సాంగ్ రాబోతుందట. ఈ పాట కోసం నయన్ గ్రీన్ సిగ్నల్ ఇచ్చిందట. వచ్చే నెలలో ఈ సాంగ్ షూటింగ్ జరగనుందని తెలుస్తోంది. దాదాపు 17 ఏళ్ల తర్వాత ఈ హిట్ పెయిర్ రిపీట్ కాబోతుండడంతో ఫ్యాన్స్ ఈ సాంగ్ అప్డేట్ కోసం ఎదురుచూస్తున్నారు. ప్రభాస్(Prabhas), నయనతార ఇద్దరు కలిసి యోగి చిత్రంలో నటించారు. 2007లో విడుదలైన ఈ మూవీ అప్పట్లో భారీ విజయాన్ని అందుకుంది. అప్పట్లో వీరిద్దరి జోడి బాగుందంటూ కామెంట్స్ వచ్చాయి. ఇక ఇప్పుడు 17 ఏళ్ల తర్వాత మళ్లీ వీరిద్దరు కలిసి స్పెషల్ సాంగ్ చేయనున్నారు. ఈ సినిమా నుంచి ఫస్ట్ సింగిల్ సంక్రాంతి కానుకగా విడుదల కానున్నట్లు తెలుస్తోంది. వచ్చే ఏడాది ఏప్రిల్ 10న ఈ సినిమా విడుదల కానుంది.
Also Read : Kangana Ranaut : ‘పుష్ప 2’ సినిమాపై ప్రశంసలు కురిపించిన నటి ‘కంగనా’