Alpha: ‘యశ్‌ రాజ్‌ ఫిలింస్‌’ (వైఆర్‌ఎఫ్‌ ) స్పై యూనివర్స్‌లో భాగంగా రూపొందుతోన్న తాజా సినిమా ‘ఆల్ఫా’. ‘రాజీ’లో దేశం కోసం సాహసాలు చేసే గూఢచారి పాత్రలో ఒదిగిపోయింది అందాల తార అలియా భట్‌…. లీడ్‌ రోల్‌లో నటిస్తున్న ఈ సినిమాలో శార్వరి వాఘ్ మరో కీలక పాత్రలో నటిస్తున్నారు. ‘ది రైల్వేమెన్‌’ ఫేమ్‌ శివ్‌ రవైల్‌ దర్శకత్వంలో ఆదిత్యా చోప్రా ఈ సినిమాను నిర్మిస్తున్నారు. అనిల్‌ కపూర్, బాబీ డియోల్‌ కీలక పాత్రల్లో నటిస్తున్న ఈ సినిమా చిత్రీకరణ ఇటీవలే ముంబయిలో ప్రారంభమైంది. ఇప్పటికే బాక్సాఫీసును షేక్‌ చేసే చిత్రాల్ని రూపొందించిన ఈ నిర్మాణ సంస్థ నుంచి రాబోతున్న ఈ ప్రాజెక్టుపై ప్రేక్షకుల్లో భారీ అంచనాలున్నాయి. ఈ సందర్భంగా ‘ఆల్ఫా’ సినిమా టైటిల్ ను అధికారికంగా ప్రకటిస్తూ టైటిల్ టీజర్ ను విడుదల చేసింది చిత్ర యూనిట్.
Alpha….
ఈ టీజర్ లో ‘‘నిశితంగా గమనిస్తే ప్రతి నగరంలోనూ ఓ అడవి ఉంటుంది. ఆ అడవిని ఏలేది మనమే’’ అంటూ ఆలియా భట్‌ చెప్పే డైలాగ్‌ ఈ చిత్రం అనౌన్స్‌మెంట్‌ టీజర్‌లో ఉంది. ఈ సినిమాను వచ్చే ఏడాది విడుదల చేయాలనుకుంటున్నారు చిత్ర నిర్మాతలు. తాజాగా దీనికి ‘ఆల్ఫా(Alpha)’ అనే పేరును ఖరారు చేశారు. ఈ విషయాన్ని తెలుపుతూ.. ఇన్‌స్టా వేదికగా ఓ వీడియోను పంచుకుంది అలియా. ‘‘గ్రీకు భాషలోని మొదటి అక్షరం..మా నినాదం.. ‘ఆల్ఫా’. ఇది అత్యంత వేగమైనది, శక్తిమంతమైనది. ప్రతి దేశం ఒక అరణ్యం లాంటిదే. దాన్ని పాలించడానికే వస్తోంది. ‘ఆల్ఫా’ గర్ల్స్‌ వచ్చే సమయం ఆసన్నమైంద’’ని వ్యాఖ్యల్ని జోడించింది. ఈ స్పై యూనివర్స్‌లో రాబోతున్న మొదటి మహిళా గూఢచారి చిత్రంలో మునుపెన్నడూ చూడని భారీ యాక్షన్‌ సన్నివేశాలను తీర్చిదిద్దుతున్నారు.
Also Read : Swapna Varma: ఎగ్జిక్యూటివ్ ప్రొడ్యూసర్ స్వప్న వర్మ ఆత్మహత్య !