బాలీవుడ్ లో ఆలియా భ‌ట్ టాప్ లో నిలిచింది. ప్ర‌ముఖ భార‌తీయ మీడియా సంస్థ ఆర్మాక్స్ ఆదివారం మోస్ట్ పాపుల‌ర్ హీరో, హీరోయిన్ల జాబితాను వెల్ల‌డించింది. ఇందులో టాలీవుడ్, బాలీవుడ్ కు సంబంధించి హీరో హీరోయిన్ల లిస్టులు ఉన్నాయి.
టాలీవుడ్ లో మోస్ట్ పాపుల‌ర్ హీరోగా ప్ర‌భాస్ నిలిచాడు. ఇక ఊ అంటావా సాంగ్ తో ఊపేసిన స‌మంత రుత్ ప్ర‌భు అత్యంత జ‌నాద‌ర‌ణ పొందిన న‌టిగా నిలిచింది. మ‌రో వైపు బాలీవుడ్ లో టాప్ హీరోల జాబితాలో బాద్ షా షారుక్ ఖాన్ నెంబ‌ర్ వ‌న్ స్థానాన్ని సంపాదించ‌కున్నాడు.
ఇక హీరోయిన్ల విష‌యానికి వ‌స్తే ఈ ఏడాది రెండు బ్లాక్ బ‌స్ట‌ర్ సినిమాల‌లో న‌టించిన దీపికా ప‌దుకొనేను కాద‌ని ఆలియా భ‌ట్ టాప్ లో నిల‌వ‌డం ప్ర‌తి ఒక్క‌రిని విస్తు పోయేలా చేసింది. ఇక ప‌ఠాన్, జ‌వాన్ రికార్డుల మోత మోగించినా టాప్ లో నిల‌వ‌లేక పోయింది దీపికా ప‌దుకొనే.
ఇక టాప్ 10 హీరోయిన్ల‌లో 1వ స్థానంలో ఆలియా నిలిస్తే 2వ స్థానంలో దీపికా ప‌దుకొనే , 3వ స్థానంలో కియారా అద్వానీ, 4వ స్థానంలో క‌త్రీనా కైఫ్ , 5వ స్థానంలో కృతీ స‌న‌న్ నిలిచారు. 6వ స్థానంలో శ్ర‌ద్ధా క‌పూర్, 7వ స్థానంలో క‌రీనా క‌పూర్ ఖాన్, 8వ స్థానంలో ప్రియాంక చోప్రా జోన్స్ , 9వ స్థానంలో అనుష్క శ‌ర్మ, 10వ ప్లేస్ లో దిశా ప‌టానీ నిలిచింది.