తెలుగు సినిమా ఇప్పుడు కొత్త పుంత‌లు తొక్కుతోంది. స్టార్ల‌తో ప్ర‌మేయం లేకుండా చిన్న, ప్రేమ, క‌థా చిత్రాలు కుప్ప‌లు తెప్ప‌లుగా రిలీజ్ అవుతున్నాయి. ప్ర‌త్యేకించి కంటెంట్ బాగుండేలా ద‌ర్శ‌క, నిర్మాత‌లు జాగ్ర‌త్త ప‌డుతున్నారు. స్టార్ల‌ను ప‌ట్టించు కోవ‌డం లేదు. అంత భారీ బ‌డ్జెట్ పెట్టి తీసి త‌ల‌కు భారం పెట్టుకునే క‌న్నా త‌క్కువ బ‌డ్జెట్ లో సినిమా తీసి స‌క్సెస్ సాధిస్తేనే బెట‌ర్ అనే స్థితికి వ‌చ్చారు.
ఇక ఇండ‌స్ట్రీలో ప్ర‌స్తుతం ఒకే కుటుంబానిది ఆధిప‌త్యం కొన‌సాగుతోంద‌న్న ఆరోప‌ణ‌లు లేక పోలేదు. వాళ్లు న‌టిస్తేనే సినిమా మిగ‌తా వాళ్లు న‌టిస్తే అది సినిమా కాద‌న్న ప్ర‌చారం కొన‌సాగుతోంది. ఇదంతా కావాల‌ని వాళ్ల‌కు సంబంధించిన వాళ్లే ప్ర‌చారం చేస్తున్నార‌నేది జ‌గ‌మెరిగిన స‌త్యం.
ఇది ప‌క్క‌న పెడితే దిల్ రాజు నిర్మించిన బ‌ల‌గం ఈ మ‌ధ్య‌నే రిలీజై దుమ్ము రేపింది. క‌మ‌ర్షియ‌ల్ సినిమాలు సిగ్గుప‌డేలా స‌క్సెస్ అయ్యింది. దీనిని క‌మెడియ‌న్ వేణు అద్భుతంగా తెర‌కెక్కించే ప్ర‌య‌త్నం చేశాడు.
తాజాగా మూవీ మేక‌ర్స్ ఆకాశం దాటి వ‌స్తావా పేరుతో రాబోతున్నారు. ఈ చిత్రంలో కొరియో గ్రాఫ‌ర్ య‌శ్వంత్ , మ‌ల‌యాళ న‌టి కార్తీక ముర‌ళీధ‌ర‌న్ న‌టించారు. టీజ‌ర్ , ఫ‌స్ట్ సింగిల్ ఇప్ప‌టికే రిలీజ్ చేశారు. తాజాగా సెకండ్ సింగిల్ శృంగార పేరుతో విడుద‌ల చేశారు. మంచి ఆద‌ర‌ణ ల‌భిస్తోంది.