Ajith Kumar: విశాల్‌ ‘మార్క్‌ ఆంటోనీ’తో మంచి హిట్‌ అందుకున్న అధిక్‌ రవిచంద్రన్‌ దర్శకత్వంలో కోలీవుడ్ స్టార్ హీరో అజిత్ కుమార్ నటిస్తున్న తాజా సినిమా ‘గుడ్‌ బ్యాడ్‌ అగ్లి’. ప్రముఖ తెలుగు నిర్మాణ సంస్థ మైత్రీమూవీ మేకర్స్ ద్విభాషా చిత్రంగా నిర్మిస్తున్న ‘గుడ్‌ బ్యాడ్‌ అగ్లి’కు దేవీశ్రీ ప్రసాద్ సంగీతం అందిస్తున్నారు. ‘గుడ్‌ బ్యాడ్‌ అగ్లి’ సినిమాకు సంబంధించి ఇప్పటికే విడుదల చేసిన టైటిల్ లుక్, ఫస్ట్ లుక్ కు మంచి రెస్పాన్స్ వచ్చింది. ‘గుడ్‌ బ్యాడ్‌ అగ్లి’ సినిమా షూటింగ్ ఇటీవలే హైదరాబాద్ లో ప్రారంభమైయింది. ఇందుకోసం చిత్ర బృందం అన్నపూర్ణ స్టూడియోస్ లో ఓ భారీ సెట్‌ ను సిద్ధం చేసింది. అందులోనే అజిత్ తో పాటు మిగిలిన కీలక తారాగణంపై ముఖ్య సన్నివేశాలు తెరకెక్కిస్తున్నట్లు చిత్ర వర్గాలు తెలిపాయి. పూర్తి యాక్షన్‌ ఎంటర్‌ టైనర్‌ గా ముస్తాబవుతున్న ఈ చిత్రం వచ్చే ఏడాది సంక్రాంతికి ప్రేక్షకుల ముందుకు రానుంది.
Ajith Kumar Movie Updates
అయితే ‘గుడ్‌ బ్యాడ్‌ అగ్లి’ సినిమాకు సంబంధించి ఇటీవల విడుదల చేసిన పోస్టర్ చూస్తుంటే ఈ సినిమాలో అజిత్(Ajith Kumar) ట్రిపుల్ రోల్ పోషిస్తున్నట్లు తెలుస్తోంది. మూడు విభిన్న పాత్రల్లో అజిత్ ఎలా ఉండబోతున్నారో ఈ పోస్టర్ ద్వారా అభిమానులకు ఓ హింట్ ఇచ్చారు. ప్రస్తుతం హైదరాబాద్ లో షూటింగ్ జరుపుకుంటున్న ఈ సినిమా… మొదటి షెడ్యూల్ పూర్తి చేసుకున్న తరువాత రష్యాలో కీలక భాగం షూటింగ్ చేయడానికి సన్నాహాలు చేస్తున్నాయి. మైత్రి మూవీ మేకర్స్ ఈ సినిమా కోసం అజిత్ కి భారీ పారితోషికం ముట్టచెప్పినట్టుగా తెలుస్తోంది. ఈ నేపథ్యంలో అజిత్ ట్రిపుల్ రోల్ కోసం అభిమానులు ఆశక్తిగా ఎదురుచూస్తున్నారు.
అజిత్(Ajith Kumar), అధిక్‌ కోలీవుడ్ లో మంచి స్నేహితులు. ‘నేర్కొండ పార్వై’ చిత్రంతో వీరిద్దరి మధ్య స్నేహం కుదిరింది. ‘మార్క్‌ ఆంటోనీ’ సక్సెస్‌ మీట్‌లోను అజిత్‌ను గుర్తుచేసుకుంటూ అధిక్‌ మాట్లాడారు. ఈ నేపథ్యంలో వీరిద్దరి కాంబినేషన్ లో తెరకెక్కబోయే సినిమాపై ఇప్పటి నుండే అంచనాలు భారీగా పెరిగిపోతున్నాయి. ఈ సినిమాకు దేవి శ్రీ ప్రసాద్ సంగీతం అందిస్తుండగా అభినందన్ రామానుజం సినిమాటోగ్రాఫర్ గా వ్యవహరిస్తున్నారు.
Also Read : Rashmika Mandanna: ఆనంద్ దేవరకొండపై రష్మిక ఇంట్రెస్టింగ్ కామెంట్స్ !