Aindham Vedham : అభిరామి మీడియా వర్క్స్ బ్యానర్‌పై అభిరామి రామనాథన్, నల్లమై రామనాథన్ నిర్మించిన ‘ఐందం వేదం’ ఒరిజినల్ వెబ్ సిరీస్‌ను ‘మర్మదేశం’ ఫేమ్ ఎల్. నాగరాజన్ తెరకెక్కించారు. ఈ మూవీలో సాయి ధన్సిక, సంతోష్ ప్రతాప్, వివేక్ రాజగోపాల్, వై.జి. మహేంద్రన్, క్రిషా కురుప్, రాంజీ, దేవదర్శిని, మాథ్యూ వర్గీస్, పొన్వన్నన్ వంటి వారు ముఖ్య పాత్రలను పోషించారు. ఈ సిరీస్ జీ5 ద్వారా ఆడియెన్స్ ముందుకు అక్టోబర్ 25న రాబోతోంది. ఈ క్రమంలో రిలీజ్ చేసిన టీజర్ అందరినీ ఆకట్టుకున్న సంగతి తెలిసిందే. తాజాగా ఈ సిరీస్ ట్రైలర్‌ను మేకర్స్ మక్కల్ సెల్వన్ విజయ్ సేతుపతి(Vijay Sethupathi) చేతుల మీదుగా విడుదల చేశారు.
Aindham Vedham Series..
ట్రైలర్ విషయానికి వస్తే.. ‘వెయ్యేళ్లకు ఒకసారి గురుడు, శుక్రుడు, శని, కుజుడు ఈ నాలుగు గ్రహాలు సూర్యుడ్ని చూసే విధంగా ఒకే వరుసలో ఉంటాయట.. అలా జరిగినప్పుడు అద్భుతం జరుగుతుందని చరిత్ర చెబుతుంది’, ‘నాలుగు వేదాలు ఉన్నాయి.. ఐదో వేదం ఇప్పుడు బయటకు రాబోతోంది’ అంటూ సాగిన ఈ ట్రైలర్లో ఎన్నో అంతు చిక్కని రహస్యాలను చూపించబోతోన్నట్టుగా తెలుస్తోంది. మర్డర్, మిస్టరీ, థ్రిల్లర్, సోషియో ఫాంటసీ ఇలా అన్నింటిని కలిపి నాగ ఈ ‘ఐందం వేదం’ను అద్భుతంగా తెరకెక్కించినట్టుగా కనిపిస్తోంది. ట్రైలర్ ఆద్యంతం ఉత్కంఠభరితంగా ఉంది. ట్రైలర్లో చూపించిన విజువల్స్, ఇచ్చిన ఆర్ఆర్, భయపెట్టేలా చేసిన కెమెరా వర్క్, యాక్షన్ సీక్వెన్స్ ఇవన్నీ కూడా హైలెట్ అవుతున్నాయి. ‘ ఐందం వేదం’ జీ5 ఆడియెన్స్‌ను ఆకట్టుకునేందుకు ఓటీటీలోకి అక్టోబర్ 25న రాబోతోంది. అందరికీ తెలిసిన నాలుగు వేదాలు కాకుండా.. ఐదో వేదాన్ని జీ5 అందరికీ చూపించబోతోండటం ఆసక్తికరంగా ఉంది. ఈ వెబ్ సిరీస్ తెలుగు, తమిళ్ భాషల్లో స్ట్రీమింగ్ కానుంది.
Also Read : Anee Master : జానీ మాస్టర్ అరెస్ట్ పై మరోసారి స్పందించిన ‘అని మాస్టర్’