Adivi Sesh: అన్నపూర్ణ స్టూడియోస్‌ సమర్పణలో అడవిశేష్, శృతి హాసన్ హీరోహీరోయిన్లుగా సుప్రియ యార్లగడ్డ నిర్మిస్తున్న పాన్ ఇండియా సినిమా ‘డెకాయిట్‌’. ‘క్షణం’, ‘గూఢచారి’ చిత్రాలకు సినిమాటోగ్రాఫర్ గా పని చేసిన షానీల్‌ డియో దర్శకత్వం వహిస్తున్న ఈ సినిమాను యాక్షన్ డ్రామాగా తెరకెక్కిస్తున్నారు. త్వరలో షూటింగ్ ప్రారంభం కాబోయే ఈ సినిమాకు సంబంధించిన టైటిల్ టీజర్ ను చిత్ర యూనిట్ విడుదల చేసింది. ‘మేజర్‌’ సినిమాతో జాతీయ స్థాయిలో గుర్తింపు తెచ్చుకున్న హీరో అడివి శేష్(Adivi Sesh)… ప్రస్తుతం పాన్ ఇండియా సినిమా ‘జీ 2’ (గుఢాఛారి 2) లో నటిస్తున్నారు. అయితే ఈ సినిమా సెట్స్ పై ఉంటుండగానే మరో పాన్ ఇండియా సినిమా ‘డెకాయిట్‌’ను ప్రకటించారు అడవి శేష్. ‘‘ఇదొక భిన్నమైన యాక్షన్ డ్రామా సినిమా. దీంట్లోని ప్రతి ఫ్రేమ్‌, డైలాగ్‌, సన్నివేశాన్ని హిందీతో పాటు తెలుగులో విడివిడిగా చిత్రీకరిస్తున్నాం. ప్రతి భాష.. సాంస్కృతిక ప్రత్యేకతను బట్టి దీన్ని విభిన్నంగా ట్రీట్‌ చేస్తున్నాం’’ అని చిత్ర యూనిట్ వెల్లడించింది.
Adivi Sesh New Movie Updates
2018లో విడుదలై బ్లాక్ బస్టర్ గా నిలిచిన గుఢాచారి కి సీక్వెల్ గా తెరకెక్కిస్తున్న ‘జీ 2’ (గుఢాఛారి 2) సినిమాలో నటిస్తున్నారు అడవి శేష్. పీపుల్స్ మీడియా ఫ్యాక్టరీ, ఏకె ఎంటర్టైన్ మెంట్స్, అభిషేక్ అగర్వాల్ ఆర్ట్స్ సంస్థలు సంయుక్తంగా నిర్మిస్తున్న ఈ సినిమాకు అడవి శేష్ కథను అందిస్తున్నారు. స్పై, యాక్షన్, థ్రిల్లర్ గా ఐదు దేశాల్లో షూటింగ్ చేసుకోబోయే ఈ సినిమాలో అడవి శేష్ సరసన బనితా సంధు నటిస్తున్నారు.
Also Read : Sandeep Reddy Vanga: సినిమా కోసం ఆస్తులు అమ్ముకున్న ‘యానిమల్‌’ దర్శకుడు