టాలీవుడ్ ను ఏలుతున్న తార‌ల‌లో ఇప్పుడు శ్రీ‌లీల ఒక‌రు. ఇత‌రులను దాటేసి ఈ ముద్దుగుమ్మ నెంబ‌ర్ వ‌న్ గా నిలిచింది. వ‌రుస సినిమాలు చేసుకుంటూ పోతోంది. దీంతో టైం దొర‌క‌డం లేదు. తాజాగా బోయ‌పాటి శ్రీ‌ను ద‌ర్శ‌క‌త్వంలో రామ్ తో క‌లిసి న‌టిస్తోంది. ఈ సినిమాపై భారీ అంచ‌నాలు ఉన్నాయి.
ఇక శ్రీ‌లీలతో సినిమా తీయాలంటే కొన్నాళ్ల పాటు ఆగాల్సిన ప‌రిస్థితి నెల‌కొంది. ఆమె డేట్స్ స‌రి పోవ‌డం లేదు. ఓ వైపు డాక్ట‌ర్ కోర్సు చేస్తోంది ఈ లవ్లీ బ్యూటీ. సినిమాల‌కు సంబంధించి ప్ర‌మోష‌న్స్ , ఇంట‌ర్వ్యూలు ఇచ్చేందుకే ఉన్న టైమ్ కాస్తా స‌రి పోతోంది. దీంతో క‌నీసం వారంలో ఒక్క రోజు కూడా సెల‌వు తీసుకునే ప‌రిస్థితి లేకుండా పోయింద‌ని వాపోతోంది .
విచిత్రం ఏమిటంటే ఓ వైపు షూటింగ్ లు శ‌ర వేగంగా కొన‌సాగుతున్నాయి. మ‌రో వైపు మ‌రికొన్ని సగానికి వ‌చ్చేశాయి. ప్ర‌ముఖ హీరోల‌తో న‌టిస్తుండ‌డం విశేషం. ప్రిన్స్ మ‌హేష్ బాబుతో గుంటూరు కారంలో న‌టిస్తోంది.
నంద‌మూరి బాల‌య్య‌తో భ‌గ‌వంత్ కేస‌రిలో న‌టించింది. ఇక న‌వంబ‌ర్ లో ఆది కేశ‌వ రానుంది. డిసెంబ‌ర్ లో మ‌రో సినిమా రిలీజ్ కానుంది. దీంతో శ్రీ‌లీల గోల్డెన్ గ‌ర్ల్ గా మారి పోయింది.