Actor Sree Vishnu : యంగ్ హీరో శ్రీ విష్ణు తన కొత్త సినిమాతో ప్రేక్షకులను అలరించడానికి రెడీ అవుతున్నాడు. గతేడాది ‘సామజవరగమన’ సినిమాతో విజయాన్ని అందుకున్న ఆయన మరో లైట్‌ హార్ట్‌ కామెడీ ఎంటర్‌టైనర్‌ను ప్లాన్ చేస్తున్నారు. ‘బ్రోచేవారెవరు’ సినిమా తర్వాత శ్రీవిష్ణు(Sri Vishnu), ప్రియదర్శి, రాహుల్ రామకృష్ణ మళ్లీ కలిసి నటిస్తున్నారు. ప్రధానంగా ఈ మూడు పాత్రలను యువీ క్రియేషన్స్ బ్యానర్‌పై ఈ చిత్రాన్ని నిర్మిస్తున్నారు. దర్శకుడు హర్ష కొనుగంటి.
Actor Sree Vishnu Movie Updates
ఈ చిత్రానికి ‘ఓం భీమ్ బుష్’ అనే ఆసక్తికరమైన టైటిల్‌ని ఖరారు చేశారు. ‘నో లాజిక్..ఓన్లీ మ్యాజిక్’ అని హెడ్‌లైన్‌ పెట్టారు. తాజాగా ఈ సినిమా టైటిల్‌ పోస్టర్‌ని విడుదల చేశారు మేకర్స్. ఓం బిమ్ బుష్ అనే పేరు వినగానే మంత్రం పఠిస్తున్నట్లు అనిపిస్తుంది. పోస్టర్‌ని బట్టి చూస్తే శ్రీవిష్ణు, ప్రియదర్శి, రాహుల్ రామకృష్ణ వ్యోమగాములుగా నటిస్తున్నట్లు తెలుస్తోంది. ‘బ్రోచేవారెవరు’ సినిమాతో భారీ హిట్ కొట్టిన ఈ ముగ్గురూ మళ్లీ నవ్వించేందుకు సిద్ధమవుతున్నారు. మార్చి 22న సినిమా విడుదల కానుంది.
Also Read : Gopichand: ఆకట్టుకుంటోన్న గోపీచంద్ ‘భీమా’ సాంగ్ !