Jai Hanuman : ప్రశాంత్ వర్మ దర్శకత్వంలో గతేడాది సంక్రాంతి బరిలో విడుదలైన ‘హను-మాన్‌’ ఎంతగా విజయం సాధించిందో తెలిసిందే! పాన్‌ ఇండియా స్థాయిలో బాక్సాఫీస్‌ వద్ద కలెక్షన్ల వర్షం కురిపించింది. దీనికి కొనసాగింపుగా ‘శ్రీరాముడికి హనుమంతుడు ఇచ్చిన మాటేమిటి?’ అనే ప్రశ్నకు సమాధానంగా ‘జై హనుమాన్(Jai Hanuman)’ తెరకెక్కనుంది. తాజాగా ఈ మూవీకి సంబంధించిన ఆసక్తికర విషయాన్ని మేకర్స్‌ పంచుకున్నారు. ‘ జై హనుమాన్’ ఫస్ట్‌ లుక్‌ను అక్టోబరు 30న విడుదల చేయనున్నట్లు చిత్ర నిర్మాణ సంస్థ మైత్రీ మూవీ మేకర్స్‌ ప్రకటించింది. ప్రశాంత్ వర్మ సినిమాటిక్‌ యూనివర్స్‌లో భాగంగా రూపొందుతున్న ఈ మూవీలో హనుమంతుడి పాత్రను ఎవరు పోషిస్తారు? అన్న ఆసక్తి నెలకొంది. ఈ క్రమంలో ఫస్ట్‌ లుక్‌ విడుదల చేయనున్నట్లు చిత్ర బృందం చెప్పడంతో ప్రేక్షకుల్లో ఆసక్తి రెట్టింపు అయింది.
Jai Hanuman Movie Updates
‘హను-మాన్‌’కి మించి వందరెట్లు భారీ స్థాయిలో ‘జై హనుమాన్’ ఉంటుందని దర్శకుడు ప్రశాంత్ వర్మ ఇప్పటికే ప్రకటించారు. సీక్వెల్‌లో తేజ సజ్జా హీరో కాదని, సీక్వెల్‌లోనూ అతడు హనుమంతు పాత్రలో కనిపిస్తాడు. కానీ, ఆ సినిమా హీరో ఆంజనేయస్వామి అని, ఆ పాత్రను స్టార్‌ హీరో చేస్త్తారని తెలిపారు. నందమూరి నట వారసుడు, బాలకృష్ణ తనయుడు మోక్షజ్ఞ పరిచయ చిత్రానికీ ప్రశాంత్ వర్మ దర్శకత్వం వహిస్తున్నారు.
Also Read : SSMB29 Movie : మహేష్ బాబు, రాజమౌళి సినిమా నుంచి మొట్టమొదటి అప్డేట్