Director A L Vijay: కోలీవుడ్ అగ్ర నటుడు, డిఎండికే అధినేత విజయకాంత్ పార్ధివ దేహానికి నివాళి అర్పించి వస్తుండగా దళపతి విజయ్‌పై ఓ వ్యక్తి చెప్పుతో దాడి చేసిన విషయం మరవక ముందే తమిళనాడులో మరో సంఘటన వెలుగు చూసింది. ప్రముఖ దర్శకుడు-స్టార్ హీరోయిన్ అమలాపాల్ మాజీ భర్త ఏఎల్ విజయ్(Director A L Vijay) కారుపై ఓ వ్యక్తి దాడి చేశాడు. దాడి సమయంలో కారులో దర్శకుడు విజయ్ తో పాటు మేనేజర్ మణివర్మ, అసిస్టెంట్ డైరెక్టర్స్ ఉన్నారు. చెన్నైలోని నడిరోడ్డుపై విజయ్ కారుకి అడ్డుగా వచ్చిన ఆ వ్యక్తి…. దర్శకుడు ఏఎల్ విజయ్‌తో వాగ్వాదానికి దిగాడు. హెల్మెట్‌తో పలుమార్లు కారుపై కొట్టాడు. ఈ దాడిలో మేనేజర్‌కి స్వల్ప గాయాలైనట్లు తెలుస్తోంది. ప్రస్తుతం దాడిచేసిన వ్యక్తి. పోలీసుల అదుపులో ఉన్నట్లు సమాచారం.
Director A L Vijay Attack
‘నాన్న’ సినిమాతో గుర్తింపు తెచ్చుకున్న తమిళ దర్శకుడు ఏఎల్ విజయ్… అదే సినిమాలో నటించిన హీరోయిన్ అమలాపాల్‌ని 2014లో పెళ్లి చేసుకున్నాడు. అయితే అమలాపాల్ తో ఏర్పడిన విభేధాల కారణంగా 2017లో విజయ్ విడిపోయాడు. ఆ తరువాత 2019లో ఐశ్వర్య అనే అమ్మాయిని పెళ్లి చేసుకున్న విజయ్.. ప్రస్తుతం ఫ్యామిలీ లైఫ్, కెరీర్ పరంగా బిజీగా ఉన్నారు. ప్రస్తుతం విజయ్ తెరకెక్కించిన ‘మిషన్ చాప్టర్-1’ సినిమా సంక్రాంతికి విడుదల కాబోతుంది.
Also Read : Kalki 2898 AD: ఇండియా ఫ్యూచర్ చూపించబోతున్న ప్రభాస్ ‘కల్కి’