Mass Maharaj Raviteja: ప్రశాంత్ వర్మ సినిమాటిక్ యూనివర్స్ నుండి వస్తోన్న ఫస్ట్ ఇండియన్ ఒరిజినల్ సూపర్ హీరో మూవీ ‘హను-మాన్’. ఈ సినిమాలో తేజ సజ్జా, అమృత అయ్యర్ హీరోహీరోయిన్లుగా నటిస్తుండగా… వినయ్ రాయ్ విలన్‌, వరలక్ష్మి శరత్‌కుమార్ మరో కీలక పాత్రలో కనిపించనున్నారు. ఇటీవల విడుదలైన ‘హను-మాన్’ టీజర్… సోషల్ మీడియాలో వైరల్‌గా మారడంతో ఈ సినిమాపై నేషనల్ లెవల్ క్రేజ్ ఏర్పడింది. సంక్రాంతి కానుక ఈ సినిమాను విడుదల చేస్తున్నట్లు ఇప్పటికే ప్రకటించారు చిత్ర యూనిట్. మరోవైపు మాస్ మహారాజా రవితేజ(Raviteja) నటించిన ‘ఈగల్’… సినిమా కూడా సంక్రాంతి కానుకగా ప్రేక్షకుల ముందుకు వస్తుంది. ఈ నేపథ్యంలో ఈ రెండు సినిమాల మధ్య పోటీ ఉంటుందని భావించిన టాలీవుడ్ అభిమానులకు… ‘హను-మాన్’ సినిమా యూనిట్ కీలకమైన అప్ డేట్ ను అందించారు. ‘హను-మాన్’ సినిమాలోని ఓ పాత్రకు ‘ఈగల్’ హీరో రవితేజ వాయిస్ ఓవర్ ఇస్తున్నారని ఈ మూవీ మేకర్స్ అధికారికంగా ప్రకటించారు.
Mass Maharaj Raviteja Support to Hanuman Team
ప్రశాంత్ వర్మ సినిమాటిక్ యూనివర్స్ నుండి వస్తున్న మోస్ట్ ఎవెయిటింగ్ మూవీ ‘హను-మాన్’. ఈ సినిమాలో వానరం కు ప్రత్యేక పాత్ర ఉంది. ‘హను-మాన్’లో వానరం పేరు కోటి కాగా… అది సినిమా అంతటా ఉంటుందని.. ఈ కీలక పాత్రకు మాస్ మహారాజా రవితేజ తన వాయిస్‌ని అందిస్తున్నారని మేకర్స్ తెలియజేశారు. అంతేకాదు, కోటి పాత్రకు రవితేజ డబ్బింగ్ చెబుతున్న పోస్టర్ కూడా వదిలారు. రవితేజ(Raviteja) వాయిస్‌తో పాత్ర మరింత హ్యూమర్స్, ఎనర్జిటిక్‌గా ఉండబోతోందని.. రేపు సినిమా చూసిన వారంతా ఈ వాయిస్‌కు బాగా కనెక్ట్ అవుతారని చిత్ర బృందం అభిప్రాయం వ్యక్తం చేస్తోంది. తేజ సజ్జ కథానాయకుడిగా నటిస్తున్న ఈ సినిమాకు రవితేజ సపోర్ట్ చాలా బెనిఫిట్ అవుతుందని నమ్మకం ఉంది. నిజానికి చిన్న, మీడియం రేంజ్ సినిమాల‌కు సపోర్ట్ చేసేందుకు ఎప్పుడూ ముందుంటారు రవితేజ. అంటూ మాస్ మహారాజా రవితేజ సపోర్ట్‌కు హను-మాన్ టీమ్ ప్రత్యేక కృతజ్ఞతలు తెలియజేసింది.
ప్రైమ్‌షో ఎంటర్‌టైన్‌మెంట్‌పై కె నిరంజన్ రెడ్డి ప్రతిష్టాత్మకంగా నిర్మిస్తున్న ‘హను-మాన్’… అఖండ భారత్‌లోని ఇతిహాసం నుండి ప్రేరణ పొందిన ఫస్ట్ ఇండియన్ సూపర్ హీరో సినిమా. అంజనాద్రి అనే ఫాంటసీ లోకం నేపథ్యంలో ఈ కథ సాగుతుంది. ఈ సినిమా థియేట్రికల్ ట్రైలర్‌ అన్ని భాషల్లోనూ మంచి స్పందనను రాబట్టుకుంది. తేజ సజ్జా, అమృత అయ్యర్ హీరోహీరోయిన్లుగా వినయ్ రాయ్ ప్రతినాయకుడిగా నటించిన ఈ సినిమాలో సముద్రఖని, వరలక్ష్మి శరత్‌కుమార్ కీలక పాత్రల్లో కనిపించనున్నారు. జనవరి 12న సంక్రాంతికి తెలుగు, హిందీ, మరాఠీ, తమిళం, కన్నడ, మలయాళం, ఇంగ్లీష్, స్పానిష్, కొరియన్, చైనీస్, జపనీస్‌తో సహా పలు భారతీయ భాషల్లో పాన్ వరల్డ్‌ సినిమాగా ఈ ‘హను-మాన్’ విడుదల కానుంది.
Also Read : Natural Star Nani: యాక్షన్‌ జోనర్ లో నేచురల్ స్టార్ నాని ?