Rajinikanth: ‘జై భీమ్‌’ ఫేమ్‌ టీజే జ్ఞానవేల్‌ దర్శకత్వంలో రజనీకాంత్ హీరోగా తెరకెక్కుతున్న సినిమాకు టైటిల్ ను ఖరారు చేసారు. మంగళవారం రజనీకాంత్ పుట్టిన రోజు సందర్భంగా ఈ సినిమాకు ‘వేట్టయాన్ ’ (తెలుగులో వేటగాడు అని అర్థం) టైటిల్‌ను ఖరారు చేసి.. ఈ సినిమా టైటిల్ వీడియోను విడుదల మూవీ మేకర్స్‌ చేశారు. ‘గురి పెడితే ఎర పడాల్సిందే..’ అని రజనీకాంత్(Rajinikanth) చెప్పే డైలాగ్, విజువల్స్‌తో ఈ వీడియో సాగుతుంది. తెలుగులో ఈ సినిమా టైటిల్ ను ఇంకా ఖరారు చేయనప్పటికీ వేట లేదా వేటగాడు పెట్టే అవకాశం ఉంటుందని సినీవర్గాల సమాచారం.
Rajinikanth Movie Updates
లైకా ప్రొడక్షన్స్ నిర్మిస్తున్న అత్యంత భారీ బడ్జెట్ సినిమా ‘వేట్టయాన్ ’ పై అభిమానులకు భారీగా అంచనాలు ఉన్నాయి. మంజూ వారియర్‌, రితికా సింగ్, దుషారా విజయన్‌ ముగ్గురు హీరోయిన్లు నటిస్తున్న ఈ సినిమాలో భారతదేశంలోనే అగ్ర కథానాయకులు అమితాబ్‌ బచ్చన్‌, ఫహాద్‌ ఫాజిల్‌, రానా దగ్గుబాటి కీలకపాత్రల్లో కనిపించనున్నారు. ఇటీవల ఈ సినిమా షూటింగ్ లో హీరోయిన్ రితికా సింగ్ గాయపడిన విషయం తెలిసిందే…. ఈ సినిమా కొత్త షెడ్యూల్ ను ప్రస్తుతం కన్యాకుమారిలో జరుగుతున్నట్లు తెలుస్తోంది. 2024లో విడుదలకు సన్నాహాలు చేస్తున్న ఈ సినిమాకు మ్యూజిక్ సన్సేషన్ అనిరుధ్‌ రవిచంద్రన్ సంగీతం అందిస్తున్నారు. మరోవైపు లైకా ప్రోడక్షన్స్ సంస్థలో రజనీకాంత్ ఓ లీడ్‌ రోల్‌ చేస్తున్న చిత్రం ‘లాల్‌ సలామ్‌’. రజనీకాంత్ కుమార్తె ఐశ్వర్యా రజనీకాంత్ దర్శకత్వం వహిస్తున్న ఈ సినిమాలో మొయిద్దీన్ భాయ్‌ పాత్రలో రజనీకాంత్ నటిస్తున్నారు.
Also Read : Hero Kalyanram: ‘దేవర’పై కళ్యాణ్ రామ్ ఇంట్రస్టింగ్ కామెంట్స్
~