అర్జున్ రెడ్డి మూవీతో దుమ్ము రేపిన టాలీవుడ్ ద‌ర్శ‌కుడు వంగా సందీప్ రెడ్డి తాజా హిందీ చిత్రం యానిమ‌ల్ గురువారం టీజ‌ర్ విడుద‌లైంది. ఇందులో ర‌ణ‌బీర్ క‌పూర్ ప్ర‌ధాన పాత్ర పోషిస్తున్నాడు.ఇవాళ హీరో పుట్టిన‌రోజు. మొత్తంగా పాజిటివ్ టాక్ వ‌చ్చింది వంగా చిత్రానికి.
ఈ మూవీకి క‌థ కూడా ద‌ర్శ‌కుడే రాశాడు. టేకింగ్ కూడా సూప‌ర్ గా ఉంది. ఈ చిత్రాన్ని భూష‌ణ్ కుమార్ , క్రిష‌న్ కుమార్ , మురాద్ ఖేతాని, అశ్విన్ వ‌ర్థే , ప్ర‌ణ‌య్ రెడ్డి వంగా , సందీప్ రెడ్డి వంగా నిర్మించారు. ఈ చిత్రంలో ర‌ణ బీర్ క‌పూర్ తో పాటు హీరోయిన్ గా నేష‌న‌ల్ క్ర‌ష్ గా ర‌ష్మికా మంద‌న్న న‌టిస్తున్నారు.
ఇప్ప‌టికే విడుద‌ల చేసిన పోస్ట‌ర్స్ ఆక‌ట్టుకునేలా ఉన్నాయి. ఇవాళ రిలీజ్ అయిన టీజ‌ర్ కూడా దుమ్ము రేపుతోంది. ఈ సినిమాకు స‌చేత్ ప‌రంప‌ర సంగీతం అందించారు. స‌చేత్ తో పాటు మిథున్ , అమాల్ మాలిక్, విశాల్ మిశ్రా, మ‌న‌న్ భ‌ర‌ద్వాజ్ కూడా కీల‌క స‌హ‌కారం అందించారు.
డిసెంబ‌ర్ 1న యానిమ‌ల్ ను విడుద‌ల చేయాల‌ని ప్లాన్ చేస్తున్నారు మూవీ మేక‌ర్స్. హిందీ యాక్ష‌న్ థ్రిల్ల‌ర్ గా తెర‌కెక్కించే ప్ర‌య‌త్నం చేస్తున్నాడు ద‌ర్శ‌కుడు వంగా సందీప్ రెడ్డి. బాబీ డియోల్ , తృప్తి డిమ్రీ కూడా కీల‌క పాత్ర‌లు పోషిస్తున్నారు.