తెలుగు సినిమా చ‌రిత్ర‌లో త‌న‌కంటూ ఓ స్పెష‌ల్ ఇమేజ్ స్వంతం చేసుకున్న న‌టుడు అల్లు అర్జున్. క్రియేటివ్ డైరెక్ట‌ర్ సుకుమార్ ద‌ర్శ‌క‌త్వంలో వ‌చ్చిన పుష్ప మూవీ రికార్డు క్రియేట్ చేసింది. కోట్లు కొల్ల‌గొట్టింది. అద్భుత‌మైన ప్ర‌ద‌ర్శ‌న‌కు గాను కేంద్ర ప్ర‌భుత్వం జాతీయ ఉత్త‌మ న‌టుడిగా ఎంపిక చేసింది అల్లు అర్జున్ ను.
తాజాగా అరుదైన ఘ‌న‌త సాధించారు బ‌న్నీ. లండ‌న్ లోని ప్ర‌తిష్టాత్మ‌క‌మైన మేడ‌మ్ టుస్సాడ్స్ మ్యూజియంలో మైన‌పు విగ్ర‌హం ఏర్పాటు కానుంది. ఇందుకు సంబంధించిన విగ్ర‌హం ఎలా ఉంటుందో చూడాల‌ని అనుకుంటున్నారా.
ప్ర‌స్తుతం సోష‌ల్ మీడియాలో అల్లు అర్జున్ కు సంబంధించి మైన‌పు బొమ్మను షేర్ చేశారు. ఇందుకు సంబంధించి ఫోటోలు, వీడియో హ‌ల్ చ‌ల్ చేస్తున్నాయి. ప్ర‌స్తుతం ఫుల్ బిజీగా ఉన్నారు అల్లు అర్జున్ పుష్ప -2 మూవీలో.
మ‌రోసారి చ‌రిత్ర సృష్టించేందుకు రెడీ అయ్యారు బ‌న్నీ. ఎప్ప‌టి లాగే పుష్ప-1 మూవీలో న‌టించిన వాళ్లే సీక్వెల్ లో న‌టిస్తుండ‌డం విశేషం. ఇక కొత్త చిత్రానికి సంబంధించిన పోస్ట‌ర్స్ ఇప్ప‌టికే వైర‌ల్ గా మారాయి.
అల్లు అర్జున్ తో ల‌వ్లీ బ్యూటీ ర‌ష్మిక మందాన సెంట‌ర్ ఆఫ్ అట్రాక్ష‌న్ గా మార‌నున్నారు. మ‌రోసారి దేవిశ్రీ ప్ర‌సాద్ త‌న మ్యూజిక్ తో మ్యాజిక్ చేయ‌నున్నారు. బ‌న్నీ అభిమానులు ఈ సినిమాపై ఉత్కంఠ‌తో ఎదురు చూస్తున్నారు.