గోల్డెన్ గ‌ర్ల్ గా పేరు పొందింది శ్రీ‌లీల. ఇప్పుడు టాప్ హీరోయిన్ల జాబితాలోకి చేరి పోయింది ఈ ముద్దుగుమ్మ. మాస్ మ‌హ‌రాజాతో క‌లిసి న‌టించిన ధ‌మాకా సూప‌ర్ డూప‌ర్ హిట్ గా నిలిచింది. ఇక పెళ్లి సంద‌డితో మ‌రోసారి సంద‌డి చేసింది. తాజాగా స్కంధ మూవీలో దుమ్ము రేపింది రామ్ తో క‌లిసి. దీనికి బోయ‌పాటి శ్రీ‌ను ద‌ర్శ‌క‌త్వం వ‌హిస్తున్నాడు.
మ‌రో వైపు డైన‌మిక్ డైరెక్ట‌ర్ హ‌రీష్ శంక‌ర్ ద‌ర్శ‌క‌త్వం వ‌హిస్తున్న ప‌వ‌న్ క‌ళ్యాణ్ తో తీస్తున్న ఉస్తాద్ భ‌గ‌త్ సింగ్ లో కూడా ఎంపికైంది శ్రీ‌లీల. అంతే కాదు ప్ర‌ముఖ మాట‌ల మాంత్రికుడిగా వినుతికెక్కిన త్రివిక్ర‌మ్ శ్రీనివాస్ తీస్తున్న గుంటూరు కారంలో ప్రిన్స్ మ‌హేష్ బాబుతో న‌టించే ఛాన్స్ కొట్టేసింది.
ఇక అనిల్ రావిపూడి తెర కెక్కించిన భ‌గవంత్ కేసరి మూవీలో బాల‌య్య బాబుతో న‌టించింది శ్రీ‌లీల. తాజాగా ఆదికేశ‌వ మూవీ లో కూడా కీల‌క పాత్ర పోషించింది. దీనిపై భారీ న‌మ్మ‌కం పెట్టుకుంది ఈ ముద్దుగుమ్మ.
నూత‌న ద‌ర్శ‌కుడు శ్రీ‌కాంత్ ఎన్ రెడ్డి ఈ చిత్రానికి ద‌ర్శ‌క‌త్వం వ‌హిస్తున్నాడు. జీవీ ప్ర‌కాష్ కుమార్ దీనికి సంగీతం అందించారు. సితార ఎంట‌ర్టైన్మెంట్ , ఫార్చూన్ ఫోర్ సినిమాస్ ప‌తాకాల‌పై ఎస్ . నాగ‌వంశీ , సాయి సౌజ‌న్య ఆదికేశ‌వ‌ను నిర్మిస్తున్నారు.