Pawan Kalyan : పవన్‌ కల్యాన్‌ కాంపౌండ్‌ నుంచి మరో మేజర్‌ అప్డేట్ వచ్చింది. పొలిటికల్ బిజీతో సినిమాలకు లాంగ్ బ్రేక్ ఇచ్చిన పవర్ స్టార్ మళ్లీ నెమ్మదిగా సినిమాల మీద ఫోకస్ చేస్తున్నారు. ఇప్పటికే ఓ సినిమా షూటింగ్ స్టార్ట్ చేసిన పవన్‌, ఇప్పుడు మరో మూవీని కూడా లైన్‌లో పెట్టేస్తున్నారు. దీంతో ఫ్యాన్స్ ఫుల్ ఖుషీ అవుతున్నారు. వరుస సినిమాలు లైన్‌లో ఉన్నా… పొలిటికల్ బిజీ కారణంగా సినిమాలకు బ్రేక్ ఇచ్చారు పవర్ స్టార్. దీంతో సిల్వర్ స్క్రీన్ మీద పవర్ మేనియాను మిస్ అవుతున్నారు అభిమానులు. రాజకీయాల్లో బిజీ కావటంతో మళ్లీ పవన్‌(Pawan Kalyan) సినిమాలు చేస్తారా… చేస్తే ఎప్పుడూ? అన్న సస్పెన్స్ చాలా రోజులు కంటిన్యూ అయ్యింది. ఫైనల్‌గా సినిమాలకు కూడా టైమ్ ఇస్తున్నట్టుగా ఎనౌన్స్ చేసి ఫ్యాన్స్‌లో జోష్ నింపారు పవన్‌.
Pawan Kalyan Movie Updates
ఆల్రెడీ హరి హర వీరమల్లు షూటింగ్‌లో జాయిన్ అయ్యారు పవన్‌ కల్యాణ్‌. పీరియాడిక్ యాక్షన్ డ్రామాగా రూపొందుతున్న ఈ సినిమాలో ఫస్ట్‌ టైమ్ వింటేజ్‌ లుక్‌లో కనిపించబోతున్నారు. క్రిష్ దర్శకుడిగా ప్రారంభమైన ఈ సినిమాను షూటింగ్ ఆలస్యం కావటంతో జ్యోతికృష్ణ పూర్తి చేస్తున్నారు. హరి హరవీరమల్లుతో పాటు మరో సినిమాను కూడా రీస్టార్ట్ చేశారు పవర్ స్టార్. మోస్ట్ అవెయిటెడ్ ఓజీ షూటింగ్ మళ్లీ మొదలైంది. ప్రస్తుతానికి పవన్‌ ప్రెజెన్స్ ఉండని సీన్స్‌ను షూట్ చేస్తున్నారు. వచ్చే వారం నుంచి పవన్‌ కూడా షూటింగ్‌లో జాయిన్ అయ్యేలా షెడ్యూల్స్ ప్లాన్ చేశారు. ఈ రెండు సినిమాలు లైన్‌లోకి రావటంతో ఇప్పుడు ఉస్తాద్ భగత్‌ సింగ్ విషయంలోనూ ఆశలు మొదలయ్యాయి. గబ్బర్‌సింగ్ కాంబోలో రూపొందుతున్న ఈ సినిమాకు సంబంధించి కూడా కొంత షూటింగ్ పూర్తయ్యింది. త్వరలోనే ఈ సినిమా కూడా రీస్టార్ట్ అయ్యే ఛాన్స్ ఉందన్న టాక్ వినిపిస్తోంది.
Also Read : Raid OTT : ఓటీటీలో తమిళ డబ్బింగ్ యాక్షన్ థ్రిల్లర్ ‘రైడ్’