Nikhila Vimal : తాను ఒక పరికరాన్ని మాత్రమేనని, దర్శకుడు తనకు నచ్చిన రీతిలో మలచుకున్నారని హీరోయిన్‌ నిఖిలా విమల్ అన్నారు. మారి సెల్వరాజ్ దర్శకత్వంలో ఆయన స్వీయ జీవిత చరిత్ర ఆధారంగా తెరకెక్కిన చిత్రం ‘వాళై’. ఇటీవల విడుదలై ఘన విజయం సాధించింది. ఈ సినిమాలో పూంగొడి టీచర్‌గా కీల‌క పాత్ర‌లో న‌టించిప్రేక్షకులను మెప్పించిన నిఖిలా విమల్ చిత్రంలో నటించిన తన అనుభవం, పూంగొడి టీచర్‌ పాత్రను దర్శకుడు మలిచిన తీరు వర్ణించారు. ఈ సంద‌ర్భంగా ఆమె మాట్లాడుతూ.. ‘వాళై’ సినిమాలో నటించే అవకాశం రావడం గొప్ప విషయం. ఆ పాత్రకు తగినట్టుగా దర్శకుడు నన్ను మలుచుకున్నారన్నారు.
Nikhila Vimal Comment
నేను ఒక పరికరాన్ని మాత్రమే. ‘ కర్ణన్‌’ చిత్రంలో హీరోయిన్‌ రజీషా విజయన్‌ పాత్రకు డబ్బింగ్ చెప్పడానికి చెన్నైకి రాగా ఆ సమయంలోనే ‘వాళై’చిత్రం గురించి దర్శకుడు చెప్పారు. చెప్పిన మాట ప్రకారం చిత్రాన్ని నిర్మించి, అందులో నా కెరీర్‌లో నిలిచిపోయే పాత్రను ఇచ్చిన దర్శకుడికి రుణపడి ఉంటాను’ అని పేర్కొన్నారు.
Also Read : Viduthalai 2 : డైరెక్టర్ వెట్రిమారన్ ‘విడుదలై-2’ డబ్బింగ్ మొదలు…పార్ట్ 3 పై ఆలోచన