Mirzapur 3: ఓటీటీలో మంచి ప్రేక్షకాదరణ దక్కించుకున్న వెబ్ సిరీస్‌ ల్లో ‘మీర్జాపూర్‌(MirzapurMirzapur)’ ఒకటి. ఇప్పటికే విడుదలైన ‘మీర్జాపూర్‌’ రెండు సీజన్లు రికార్డు స్థాయిలో వ్యూస్‌ సాధించడంతో… మూడోదాని కోసం సినీ ప్రియులు ఆసక్తిగా ఉన్నారు. దీనితో ఇప్పటికే షూటింగ్ పూర్తి చేసుకున్న ‘మీర్జాపూర్‌ 3’… త్వరలో ఓటీటీ రిలీజ్ కు సిద్ధమౌతుంది. ‘మీర్జాపూర్‌ 3’ వెబ్ సీరీస్ జులై 5 నుంచి స్ట్రీమింగ్ కు అందుబాటులోనికి తీసుకువస్తున్నట్లు ప్రముఖ ఓటీటీ ఫ్లాట్ ఫాం అమెజాన్‌ ప్రైమ్‌ వీడియో ప్రకటించింది. దీని షూటింగ్ పూర్తయినట్లు ఏడాది క్రితమే నటీనటులు వెల్లడించారు. అప్పటి నుంచి స్ట్రీమింగ్ తేదీ కోసం అభిమానులు ఎదురుచూస్తున్నారు. తాజాగా దాన్ని ప్రకటించడంతో వారంతా సంబర పడుతున్నారు. దీని రెండో సీజన్‌ విడుదలై మూడేళ్లు గడిచినా అందులోని కొన్ని సన్నివేశాలు ఇప్పటికీ సోషల్ మీడియా మీమ్స్‌లో సందడి చేస్తూనే ఉన్నాయి.
Mirzapur 3 OTT Updates
క్రైమ్‌, థ్రిల్లర్‌ యాక్షన్‌ నేపథ్యంలో తెరకెక్కిన ఈ సిరీస్‌ లకు గుర్మీత్‌ సింగ్‌ దర్శకత్వం వహించారు. తొలి సీజన్‌ 2018 నవంబరు 16న విడుదలైంది. పంకజ్‌ త్రిపాఠి, శ్వేతా త్రిపాఠి, దివ్యేందు శర్మ, అలీ ఫజల్‌, శ్రియ పిల్గోంగర్‌, హర్షిత గౌర్‌ తదితరులు నటించారు. దానికి మంచి స్పందన లభించింది. దీనితో దానికి సీక్వెల్‌గా 2020 అక్టోబరు 23న ‘మీర్జాపూర్‌ 2’ రెండో సీజన్‌ విడుదలైంది. ఇదీ విశేష ఆదరణ అందుకుంది. తొలి సీజన్‌ లో గుడ్డూ భయ్యా, తన తమ్ముడు బబ్లూ, భార్య శ్వేతలను మున్నా ఎలా ఇబ్బంది పెట్టాడని చూపించారు. రెండో సీజన్‌లో మున్నాపై గుడ్డూ భయ్యా ప్రతీకారం ఎలా తీర్చుకున్నాడో చూపించారు. ఇందులో విజయ్ వర్మ కీలకపాత్రలో కనిపించనున్నారు. ఇటీవల టీజర్‌ రిలీజ్ సందర్భంగా అలీ ఫజల్‌ మాట్లాడుతూ.. మూడో సీజన్‌లో ఎన్నో కొత్త పాత్రలను పరిచయం చేయనున్నట్లు చెప్పారు. గత రెండు సీజన్లతో పోలిస్తే మూడో సీజన్‌ ఉత్కంఠభరితంగా ఉంటుందన్నారు.
Also Read : Shatrughan Sinha: సోనాక్షి పెళ్లి రూమర్స్‌ స్పందించిన తండ్రి శతృఘ్న సిన్హా !