Serial Actor Chandu: ఇటీవల రోడ్ యాక్సిడెంట్‌లో ‘త్రినయని’ సీరియల్ ఆర్టిస్ట్ పవిత్ర జయరాం మృతి చెందిన విషయం తెలిసిందే. ఆమె మరణ వార్త మరవకముందే అదే సీరియల్‌కు చెందిన మరో నటుడు చందు ఆత్మహత్య చేసుకోవడం తెలుగు బుల్లితెర ఇండస్ట్రీలో మరోసారి తీవ్ర విషాదాన్ని నింపింది. శుక్రవారం హైదరాబాద్‌(Hyderabad)లోని నార్సింగ్ పోలీస్ స్టేషన్ పరిధిలో అల్కాపూర్ కాలనీలో ఆయన ఆత్మహత్య చేసుకున్నారు. సమాచారం అందుకున్న పోలీసులు ఆత్మహత్యకు గల కారణాలపై దర్యాప్తు చేస్తున్నారు. అయితే చందు ఆత్మహత్యకు వివాహేతర సంబంధమే కారణం అనే గుసగుసలు వినిపిస్తున్నాయి. గత వారం యాక్సిడెంట్‌లో చనిపోయిన పవిత్ర జయరాంతో… ఆరేళ్లుగా చందుకు వివాహేతర సంబంధం ఉందని… ఆమె మరణానంతరం ఆయన పూర్తిగా డిప్రెషన్‌కి వెళ్లిపోవడమే కారణం అనేలా టాక్ వినబడుతోంది.
Serial Actor Chandu No More
‘త్రినయిని’తో పాటు పలు సీరియల్స్‌లో చందు నటించారు. ప్రస్తుతం రాధమ్మ పెళ్లి, కార్తీక దీపం వంటి సీరియల్స్‌లో చందు నటిస్తున్నారు. 2015లో శిల్పను చందు ప్రేమ వివాహం చేసుకున్నారు. వారికి ఇద్దరు పిల్లలు కూడా ఉన్నారు. చందు మృతితో ఒక్కసారిగా బుల్లితెర ఇండస్ట్రీలో విషాద చాయలు అలుముకున్నాయి. ఆయన ఆత్మకు శాంతి చేకూరాలని.. చందు తెలిసిన వారంతా ప్రార్ధిస్తున్నారు.
ఇటీవలే రోడ్డు ప్రమాదంలో బుల్లితెర నటి పవిత్ర జయరాం మృతి చెందిన సంగతి తెలిసిందే. గత ఆరేళ్లుగా చందుకు టీవీ నటి పవిత్ర జయరాంతో వివాహేతర సంబంధం ఉన్నట్లు తెలుస్తోంది. ఇటీవలే పవిత్ర పుట్టినరోజు సందర్భంగా తనను రమ్మంటుంది అంటూ సోషల్ మీడియాలో పోస్ట్ చేశారు. అంతే కాకుండా ఓ యూట్యూబ్‌ ఛానెల్‌ తో తనకు బ్రెయిన్ వ్యాధి ఉందని వెల్లడించారు.
Also Read : Kavita Krishnamurthy: కవితా కృష్ణమూర్తికి లైఫ్‌టైమ్‌ అఛీవ్‌మెంట్‌ అవార్డు !