Nagarjuna Akkineni: టాలీవుడ్ కింగ్ నాగార్జున వరుస సినిమాలతో దూసుకుపోతున్నారు. కోలీవుడ్ స్టార్ హీరో ధనుష్ ప్రధాన పాత్రలో శేఖర్ కమ్ముల తెరకెక్కిస్తున్న ‘కుబేర’ లో ఓ ముఖ్య పాత్రలో నటిస్తున్న కింగ్ నాగార్జున తన తదుపరి సినిమాపై కూడా క్లారిటీ ఇచ్చారు. ‘కుబేర’ తరువాత ఆయన స్టూడియో గ్రీన్ పతాకంపై తమిళ దర్శకుడు నవీన్‌ తో ఓ సినిమా చేయడానికి గ్రీన్ సిగ్నల్ ఇచ్చారు. భారీ యాక్షన్‌ థ్రిల్లర్‌ గా ముస్తాబు కానున్న ఈ సినిమాలో బాలీవుడ్‌ నటుడు బాబీ డియోల్ ఓ ప్రధాన పాత్ర పోషించనున్నారని సమాచారం. నాగ్‌ ను ఢీ కొట్టే ప్రతినాయకుడిగా శక్తిమంతమైన పాత్రలో బాబీ డియోల్ కనిపించనున్నారని తెలిసింది. ప్రస్తుతం ప్రీ ప్రొడక్షన్ పనులు జరుపుకుంటున్న ఈ సినిమా జూన్‌ నెలాఖరు నుంచి సెట్స్ పైకి వెళ్ళనున్నట్లు చిత్ర సన్నిహిత వర్గాలు తెలిపాయి. ఈ చిత్రంలో నాగ్‌ కు జోడీగా ఇద్దరు కథానాయికలు కనిపించనున్నారు. మరి ఆ అవకాశం ఎవరికి దక్కుతుందో తేలాల్సి ఉంది.
Nagarjuna Akkineni Movie Updates
నాగార్జున(Nagarjuna Akkineni), ధనుష్ ప్రధాన పాత్రల్లో శేఖర్ కమ్ముల తెరకెక్కిస్తున్న చిత్రం ‘కుబేర’. సునీల్‌ నారంగ్‌, పుస్కూర్‌ రామ్‌ మోహన్‌రావు సంయుక్తంగా నిర్మిస్తున్నారు. రష్మిక కథానాయిక. చిత్రీకరణ దశలో ఉన్న ఈ సినిమా నుంచి ఈ నెల 2న ఓ ప్రచార చిత్రం విడుదల కానుంది. ఈ విషయాన్ని చిత్ర బృందం సోమవారం ప్రకటించింది. ‘‘ఓ భారీ పిడుగును సీజ్‌ చేసి లోడ్‌ చేయడం జరిగింద’’ని చిత్ర నిర్మాణ సంస్థ సామాజిక మాధ్యమాల్లో రాసుకొచ్చింది. దీన్ని బట్టి ఈ సినిమా నుంచి ఓ వీడియో గ్లింప్స్‌ బయటకు రానున్నట్లు అర్థమవుతోంది. మరోవైపు యానిమల్ సినిమాలో విలన్ పాత్రతో తెలుగు ప్రేక్షకులకు దగ్గరైన బాబీ డియోల్… సూర్య హీరోగా కంగువ, పవన్ కళ్యాణ్ హీరోగా ఓజీ, బాలకృష్ణ సినిమాలో కూడా నటిస్తున్నారు. తాజాగా నాగార్జున సినిమాకు కూడా ఆయన ఓకే చేసినట్లు తెలుస్తోంది.
Also Read : Guttu Chappudu: బ్రహ్మాజీ కుమారుడు ‘గుట్టు చప్పుడు’ టీజర్‌ విడుదల !