Boney Kapoor: బాల నటిగా సినిమాల్లో ఎంట్రీ ఇచ్చి… భారతీయ చలన చిత్ర పరిశ్రమలో దాదాపు అందరు అగ్రహీరోలతో నటించిన నటి శ్రీదేవి. అతిలోక సుందరిగా పేరుపొందిన శ్రీదేవి… ఒకప్పుడు భారతీయ చిత్రపరిశ్రమలో ఒక వెలుగు వెలిగారు. ఆమె బయోపిక్‌ రానున్నట్లు గతకొన్ని రోజులుగా వార్తలు వస్తోన్న సంగతి తెలిసిందే. తాజాగా దీనిపై ఆమె భర్త బోనీ కపూర్ స్పందించారు. ఆయన నిర్మించిన తాజా సినిమా ప్రమోషన్స్‌లో ఈ బయోపిక్‌ గురించి మాట్లాడారు.
Boney Kapoor Comment
‘శ్రీదేవి నటించిన ‘‘ఇంగ్లిష్‌ వింగ్లిష్‌’’ చిత్రాన్ని మొదట ఐశ్వర్యారాయ్‌ తో తీయాలనుకున్నారు. ఐశ్వర్య ఒకప్పటి మిస్‌ వరల్డ్‌… ఆమె ఇంగ్లిషు రాని పాత్రలో నటిస్తే ప్రేక్షకులకు నచ్చదని చెప్పాను. ఆ పాత్రకు శ్రీదేవి కచ్చితంగా సరిపోతుందని చెప్పడంతో దర్శకనిర్మాతలు అంగీకరించారు. ఆ చిత్రంలో ఇంగ్లిషు రాని గృహిణి పాత్రలో శ్రీదేవి జీవించింది. ఆ మూవీ మంచి విజయాన్ని అందుకుంది. నా భార్య చాలా ప్రైవేట్‌ పర్సన్‌. ఆమె వ్యక్తిగత విషయాలు బయటకు చెప్పడానికి ఇష్టపడేది కాదు. జీవితమంతా అలానే ఉంది. ఇప్పుడు ఆ పర్సనల్‌ విషయాలు బయటకు చెప్పడానికి నేను అంగీకరించను. నేను బతికి ఉన్నంతవరకు బయోపిక్‌కు అనుమతివ్వను’ అని బోనీ కపూర్(Boney Kapoor) స్పష్టం చేశారు.
బాలనటిగా సినీ జీవితం మొదలుపెట్టి అగ్రహీరోలందరి సరసన నటించారు శ్రీదేవి. తన నటనతో అన్ని భాషల్లోని సినీప్రియులను అలరించి ఇండస్ట్రీలో తనకంటూ కొన్ని పేజీలు లిఖించుకొంది. ఆమె నటనకు ఎన్నో అవార్డులు, రివార్డులు వచ్చాయి. ఈ అగ్రకథానాయిక జీవితంలో చోటుచేసుకున్న కొన్ని ఆసక్తికర విషయాలపై ప్రముఖ పరిశోధకుడు, రచయిత ధీరజ్‌, శ్రీదేవి బయోగ్రఫీని రచించనున్నారు. ‘‘ది లైఫ్‌ ఆఫ్‌ ఎ లెజెండ్‌’’ పేరుతో ఇది రానుంది. దీనికోసం శ్రీదేవి కుటుంబ సభ్యుల పర్మిషన్‌ తీసుకున్నట్లు వెల్లడించారు.
Also Read : Ajith Kumar: అజిత్‌ రియల్‌ స్టంట్స్ కు నెటిజన్లు ఫిదా !